பெண்களுக்கான இலவச தையல் பயிற்சி வகுப்பு

சேலம்,15 October 2015

சேலம் மாவட்ட வேலைவாய்ப்பு அலுவலகத்தில், பெண்களுக்கான இலவச தையல் பயிற்சி வகுப்புகளில் சேர விரும்புவோர் விண்ணப்பிக்கலாம் என தெரிவிக்கப்பட்டுள்ளது.

சேலம் மாவட்ட வேலைவாய்ப்பு அலுவலகம், சேலம் மாவட்ட உதவும் கரங்கள் மாற்றுத் திறனாளிகள் நலச் சங்கம் சார்பில் பெண்களுக்கான இலவச தையல் பயிற்சி மாவட்ட வேலைவாய்ப்பு அலுவலகத்தில் அளிக்கப்படுகிறது.

இந்தப் பயிற்சியானது காலை 10 மணி முதல் பிற்பகல் 2 மணி வரை நடத்தப்படுகிறது. இந்த இலவச தையல் பயிற்சி வகுப்பில் கட்டிங், டெய்லரிங் போன்றவைகள் கற்றுத் தரப்படுகின்றன.

இப்பயிற்சி வகுப்பில் சேர விரும்பும் மனுதாரர்கள் நேரில் வந்து தங்களது பெயரை மாவட்ட வேலைவாய்ப்பு அலுவலகத்தில் பதிவு செய்து கொண்டு பயன்பெறலாம் எனத் தெரிவிக்கப்பட்டுள்ளது.