ரயில் மோதி காது கேளாத இளம்பெண் சாவு

01.12.2017

மங்கலம்பேட்டை: மங்கலம்பேட்டை அருகே, காது கேளாத இளம் பெண், ரயில் மோதி இறந்தார்.மங்கலம்பேட்டை அடுத்த விஜயமாநகரம் புதுவிளாங்குளத்தைச் சேர்ந்த செல்வராஜ் மகள் சசசிகலா, 20; காதுகேளாதவர். இவர், நேற்று அதிகாலை 5:00 மணி யளவில், விருத்தாசலம் - சென்னை ரயில்பாதையை கடந்து, இயற்கை உபாதைகளை கழிக்க சென்றார்.அப்போது, அந்த வழியாக வந்த ரயில் மோதியதில், சம்பவ இடத்திலேயே இறந்தார். தகவலறிந்த விருத்தாசலம் ரயில்வே போலீசார், சசிகலா உடலை கைப்பற்றி, விருத்தாசலம் அரசு மருத்துவமனைக்கு பிரேத பரிசோதனைக்காக அனுப்பி வைத்தனர்.