வாய் பேச முடியாதவர்கள் வாழும் கிராமம்!

இலங்கை 

குறைந்த வசதிகளுக்கு மத்தியில் வாழும் வாய் பேச முடியாத செவித்திறன் அற்ற விசேட தேவையுடைய மக்கள் வாழும் கிராமம் தொடர்பான செய்தி ஒன்று அனுராதபுரத்தில் இருந்து பதிவாகியுள்ளது.

இக்கிராமமானது திரப்பனய பிரதேச செயலகப் பிரிவில் அனுராதபுரம், இல. 553 மிவெல்லேவ கிராம சேவை பிரிவில் உள்ளது.

தினப்பிட்டிகம என்றழைக்கப்படும் இந்த கிராமத்தில் கிட்டத்தட்ட 20 குடும்பங்கள் வசிக்கின்றன, இதில் 15 குடும்பங்கள் பிறக்கும்போதே வாய் பேச முடியாத நிலை உள்ளது. செவித்திறன் அற்ற விசேட தேவையுடையவர்கள் என தெரிவிக்கப்படுகிறது.

மேலும், சிரமங்களுக்கு மத்தியில் வசிக்கும் இவர்களின் கிராமத்திற்குள் செல்ல சரியான வீதி இல்லாத பின்னணியில், வெளியூர்களில் இருந்து வரும் லொரிகளில் குடிநீரை அக்கிராமவாசிகள் பெறுகின்றனர்.

மேலும் பெரும்பாலான வீடுகள் களிமண் அல்லது தகர கூரைகளால் கட்டப்பட்டுள்ளன.

தொடர்ந்து காட்டு யானை தாக்குதலுக்கு உள்ளாகும் இக்கிராமத்தில் வசிப்பவர்கள் கூலித்தொழில், கால்நடை வளர்ப்பு, மீன்பிடி தொழில் செய்து வருகின்றனர்.

குறைந்த வசதிகளின் கீழ் வசிப்பவர்களுக்கு விசேட தேவையுடையவர்களுக்கு உதவித்தொகையாக 5,000 ரூபாய் அரசாங்கத்திடம் இருந்து பெற உரிமை உண்டு.

ஆனால், அந்தத் தொகை வாழ்வாதாரத்துக்குப் போதாததால், கூலி வேலை தேடிச் சென்றாலும், விசேட தேவையுடைய இவர்களுக்குக் கூலி வேலைகளும் கிடைப்பதில்லை என தெரிவிக்கப்படுகிறது.

அவ்வப்போது கூலி வேலை செய்து சம்பாதிக்கும் சொற்பத் தொகை, வாழ்க்கை நடத்தவோ, குழந்தைகளின் கல்வியைத் தொடரவோ போதாது.

இக்கிராமத்தில் குளிப்பதற்கு அன்றாட நீர் தேவையை பூர்த்தி செய்யும் வகையில் ஏரி உள்ள போதிலும் அதுவும் வறண்டு காணப்படுவதாக பிரதேச மக்கள் சுட்டிக்காட்டுகின்றனர்.

கடந்த சில ஆண்டுகளுக்கு முன், கோடீஸ்வரர் ஒருவர், இக்கிராமத்திற்கு குடிநீர் சுத்திகரிப்பு நிலையம் அமைத்து கொடுக்கப்பட்ட நிலையில், தற்போது அந்த மோட்டார் வாகனம் பழுதடைந்து, தண்ணீர் வடிகட்டியும் பழுதடைந்துள்ளது குறிப்பிடத்தக்கது.

செவித்திறன் குறைபாடு உள்ளவர்களுக்கு இலகுரக வாகன சாரதி அனுமதிப்பத்திரம் வழங்குவதற்கு தீர்மானம்!

முழுமையான செவித்திறன் குறைபாடு உள்ளவர்களுக்கு இலகுரக வாகன சாரதி அனுமதிப்பத்திரம் வழங்குவதற்கு அமைச்சரவை அங்கீகாரம் வழங்கியுள்ளது.

இந்தத் திட்டத்தை நடைமுறைப்படுத்துவது தொடர்பாக போக்குவரத்து மற்றும் அதிவேக வீதி அமைச்சின் செயலாளர் தலைமையிலான குழுவின் பரிந்துரைகளின் அடிப்படையில் இந்த முடிவு எடுக்கப்பட்டுள்ளது.

இதேவேளை, கம்பஹா மாவட்டத்தை மையமாகக் கொண்டு இது தொடர்பான முன்னோடித் திட்டம் செயற்படுத்தப்பட்டமை குறிப்பிடத்தக்கது.

கண்டிப்பான இறுதிப் போட்டியாளரான தாஷா கௌரி தனது காக்லியர் உள்வைப்புகளை சமாளித்த காது கேளாத ரசிகர்களின் எதிர்வினையால் தான் மிகவும் மகிழ்ச்சியடைந்ததாக வெளிப்படுத்துகிறார்.

கண்டிப்பாக தாஷா கௌரி நடன தளத்தில் அவர் பெருமையுடன் அணிந்திருக்கும் பிரகாசமான கோக்லியர் உள்வைப்புகளை நகலெடுத்த காது கேளாத ரசிகர்களால் அவர் மூழ்கியிருப்பதை வெளிப்படுத்தியுள்ளார்.

காது கேளாத லவ் ஐலேண்டர் நட்சத்திரம், அவரது உடைகளுக்கு ஏற்றவாறு ஸ்டைலிங் செய்யப்பட்ட படுக்கை வடிவமைப்புகளுடன், ஸ்ட்ரிக்ட்லியின் ஆடை அணியால் தனது உள்வைப்பைத் தனிப்பயனாக்கியுள்ளது.

சனிக்கிழமையின் இறுதிப் போட்டிக்கு முன்னதாகப் பேசிய தாஷா, MailOnline இடம்: 'எனக்குக் கிடைத்த செய்திகளின் அளவு, குறிப்பாக இளைய பெண்கள், இளைய குழந்தைகள், பதின்வயதினர் – அவர்கள், “எனக்கு பிரதிநிதித்துவம் கிடைத்துள்ளது. நான் உங்களை டிவியில் பார்த்திருக்கிறேன். என்னுடையதையும் அலங்கரிக்க ஆரம்பித்துவிட்டேன்.”

'அதுதான் பிரதிநிதித்துவத்தின் சக்தி. இது மிகவும் முக்கியமானது, மேலும் மக்கள் தங்கள் நம்பிக்கையைக் கண்டறிந்து தாங்களாகவே இருப்பதற்கு உதவுவதற்கான வாய்ப்பைப் பெற நான் மிகவும் நன்றியுள்ளவனாக உணர்கிறேன்.

ஸ்ட்ரிக்லி கம் டான்சிங்கின் உயர் ஆற்றல் உணர்ச்சி சூழலில் சுமைகளை நிர்வகிப்பதற்கு தனது கோக்லியர் உள்வைப்பை எவ்வாறு அகற்றுகிறார் என்பதை போட்காஸ்ட் ஹோஸ்ட் வெளிப்படுத்தினார்.

26 வயதான அவர் கூறினார்: 'சனிக்கிழமைகளில், அனைத்து மந்திரங்களும், பைத்தியங்களும் நடக்கும் போது, ​​நான் உண்மையில் என் டிரஸ்ஸிங் அறையில் இருந்து, என் உள்வைப்பை வெளியே எடுப்பேன். எனக்கு எல்லாவற்றிலிருந்தும் நேரம் தேவை.'

ஸ்ட்ரிக்லியின் தாஷா கௌரி, நடன அரங்கில் பெருமையுடன் அணிந்திருந்த ஸ்பார்க்லி கோக்லியர் உள்வைப்புகளை நகலெடுத்த காது கேளாத ரசிகர்களால் தான் மூழ்கியிருந்ததை வெளிப்படுத்தியுள்ளார்.

”அதிக உணர்திறன் சுமையால் இது மிகவும் அதிகமாக இருக்கும். ஆனால் அல்ஜாஸ், குழு மற்றும் ஸ்ட்ரிக்லியில் உள்ள அனைவரின் ஆதரவும் ஆச்சரியமாக இருந்தது.

'நான் சொல்ல வேண்டும், சவால்களை நீங்கள் கடக்க வேண்டும்-அவை உங்களை வலிமையாக்குகின்றன, மேலும் மேலும் வளர உதவுங்கள்.'

இந்த சவால்கள் இருந்தபோதிலும், தாஷாவும் அவரது கூட்டாளியான அல்ஜாஸ் ஸ்கோர்ஜானெக்கும் சீசனின் மறக்கமுடியாத சில நிகழ்ச்சிகளை வழங்கியுள்ளனர், இதில் தொடரின் முதல் சரியான ஸ்கோரை அடைவது உட்பட.

இறுதிப் போட்டியை எட்டியதில் இதுவரை அவர்கள் பெற்ற வெற்றியைப் பற்றி மாடல் கூறினார்: 'நாங்கள் அற்புதமான, மாயாஜால நடனங்களை உருவாக்கியுள்ளோம்-வால்ட்ஸ், அமெரிக்க மென்மையானது, ஜோடிகளின் விருப்பம்.

'நாம் சேர்ந்து செய்ததெல்லாம், இவ்வளவு காலம் ஓடப் போகிறது போலிருக்கிறது. நாங்கள் அங்கு ஒரு தடம் பதித்ததில் நான் மிகவும் பெருமைப்படுகிறேன். இந்த பார்ட்னர்ஷிப் மூலம் நான் உண்மையிலேயே வெற்றி பெற்றேன்.'

எல்லா தருணங்களும் திட்டத்தின் படி செல்லவில்லை.

அவர்களின் அர்ஜென்டினா டேங்கோவின் போது, ​​தாஷாவின் கோக்லியர் இம்பிளாண்ட் எதிர்பாராதவிதமாக நடுப்பகுதியில் செயலிழந்தது.

'ஒத்திகையில் ஒருமுறை கூட அது வரவில்லை, அதனால் அது ஒரு அதிர்ச்சியான தருணம்,' என்று அவர் விளக்கினார்.

காது கேளாத லவ் ஐலேண்டர் நட்சத்திரம், அவரது உடைகளுக்கு ஏற்றவாறு ஸ்டைலிங் செய்யப்பட்ட டிசைன்களுடன், ஸ்ட்ரிக்ட்லியின் ஆடை அணியால் தனது உள்வைப்பைத் தனிப்பயனாக்கியுள்ளது.

'அல்ஜாஸின் கண்கள், “அய்யோ இல்லை” என்று சொன்னது எனக்கு நினைவிருக்கிறது. ஆனால் மனதிற்குள் ஒருவரையொருவர் சொல்லிக் கொண்டோம். இது ஒரு நேரடி நிகழ்ச்சி.

“நாங்கள் மீண்டும் தொடங்கலாமா?” என்று நீங்கள் நிறுத்த முடியாது. ஆனால் நான் அல்ஜாஸ் மீது மிகுந்த நம்பிக்கை வைத்துள்ளேன், அது எங்களை வெற்றியடையச் செய்தது.

இந்த ஜோடி அமெரிக்க ஸ்மூத், ஜோடிகளின் தேர்வு நிகழ்ச்சி வழக்கம் மற்றும் இறுதிப் போட்டியில் ஒரு நடனம் செய்ய தயாராகி வருகிறது.

34 வயதான அல்ஜாஸ், தாஷாவின் திறமையை வெளிப்படுத்தும் வாய்ப்பு குறித்து தனது மகிழ்ச்சியைப் பகிர்ந்து கொண்டார்.

விதிகள் இல்லாததால், நிகழ்ச்சி நடனங்கள் ஒரு சிறந்த வாய்ப்பு. இசை உங்களுக்குச் சொல்வதை நீங்கள் உண்மையில் செய்ய முடியும்,' என்று தொழில்முறை நடனக் கலைஞர் கூறினார்.

'தாஷாவுடன், நான் உண்மையில் முன்வந்தது நடனத்தின் தூய்மையான தரம் மட்டுமே. இது புரட்டல்கள் அல்லது தந்திரங்களைப் பற்றியது அல்ல – இது தரையில் அவள் செய்யும் புத்திசாலித்தனத்தைப் பற்றியது.

தாஷாவும் அவரது கூட்டாளியான அல்ஜாஸ் ஸ்கோர்ஜானெக்கும் சீசனின் மறக்கமுடியாத சில நிகழ்ச்சிகளை வழங்கியுள்ளனர், இதில் தொடரின் முதல் சரியான ஸ்கோரை அடைவது உட்பட.

“நிகழ்ச்சியில் எனக்கு மிகவும் பிடித்த விஷயம் பால்ரூம் மற்றும் லத்தீன் நடனம். யாரையும் நான் பார்த்திராத அளவுக்கு தாஷா தேர்ச்சி பெற்ற விதம்.'

'உங்களுடன் அதைச் செய்ய நான் அதிர்ஷ்டசாலி. அந்த நிகழ்ச்சி நடனம் என்று நான் நினைக்கிறேன், எல்லாவற்றையும் விட, நிச்சயமாக, லிஃப்ட் இருக்கப் போகிறது, நிச்சயமாக, ஒருவிதமான செழிப்பு இருக்கப்போகிறது என்பதை வெளிப்படுத்த விரும்புகிறேன். ஆனால் எல்லாவற்றையும் விட டாஷா சிறந்த நடனம் என்று நினைக்கிறேன்.

மேலும் அவர் கூறினார்: 'ஒரு வேடிக்கையான வழியில், நான் 2013 இல் மற்றும் குறிப்பாக தாஷாவுடன் அனுபவித்ததை விட அதிகமாக அனுபவித்ததாக உணர்கிறேன்.'

'இதை விட அன்பான, மரியாதையான மற்றும் திறமையான யாருடனும் இதைச் செய்ய நான் கனவு கண்டிருக்க முடியாது. கடந்த மூன்று மாதங்களில் நான் என் வாழ்க்கையில் செய்ததை விட அதிகமாக நடனமாடினேன்.

ஜேபி கில், சாரா ஹாட்லேண்ட் மற்றும் கிறிஸ் மெக்கௌஸ்லேண்ட் ஆகியோருக்கு எதிராக தாஷா போட்டியிடுவார்.

தாஷா, தனது கண்டிப்பான அனுபவத்தை பிரதிபலிக்கும் வகையில், அதை மாற்றியமைக்கும் வகையில் விவரித்தார்.

'நான் முதன்முதலில் நிகழ்ச்சிக்கு வந்தபோது, ​​நான் ஒரு பெரிய தொலைக்காட்சி ஆளுமை என்று சொல்லமாட்டேன் - நான் மிகவும் கூச்ச சுபாவமும் உள்முக சிந்தனையும் உடையவனாக இருந்தேன். கண்டிப்பாக என் ஷெல்லை இவ்வளவு திறந்துவிட்டாள்', என்றாள்.

'இப்போது, ​​நான் வலுவாகவும், சுதந்திரமாகவும் உணர்கிறேன், மேலும் தாஷா யார் என்று எனக்குத் தெரியும்.'

இறுதிக்கட்டத்தை நெருங்கும்போது, ​​இந்த ஜோடி தங்கள் பயணத்தைக் கொண்டாடும் நிகழ்ச்சிகளை வழங்குவதில் கவனம் செலுத்துகிறது.

“இது ஒரு முழுமையான கனவு,” தாஷா கூறினார். 'இந்த அனுபவத்தை என்னால் மறக்கவே முடியாது.'

பார்வையற்றோர் வாழ்வில் ஒளியேற்றும் நம்பிக்கை தீபம் ‘ஆர்பிட்’ - தி இந்து

 

Click here

பார்வையற்றோர் வாழ்வில் ஒளியேற்றும் நம்பிக்கை தீபம் ‘ஆர்பிட்’ - தி இந்து

மாற்றுத் திறனாளிகளுக்கு அரசு வழங்கும் அடையாள அட்டை - தி இந்து

 

Click here

மாற்றுத் திறனாளிகளுக்கு அரசு வழங்கும் அடையாள அட்டை - தி இந்து

அசாதாரண மனிதர்கள் - தி இந்து

 

Click here

அசாதாரண மனிதர்கள் - தி இந்து

காது கேளாத, பேச முடியாதோர் சிறப்பு பள்ளியான கதை

”மக்கள் திலகம் எம்.ஜி.ஆர்” வாழ்ந்த ராமாவரம் தோட்டம்..
காது கேளாத, பேச முடியாதோர் சிறப்பு பள்ளியான கதை
--------------------------------------------------------------------------------------
" அமெரிக்காவில் சிகிச்சை முடிச்சு வந்தப்போ சரியாப் பேச முடியாத காரணத்தினால... அதிகமாக தனிமையை நாடினார்.
அந்த நாட்களில் திடீர் திடீர்னு படுக்கையைவிட்டு எழுந்து... என்னை, இல்லேன்னா மாணிக்கத்தை (எம்.ஜி.ஆரால் வளர்க்கப்பட்டு இன்று ஜானகி அம்மாளுடன் இருக்கும் ஒரே பழைய மனிதர்) அழைச்சு, கையைப் பிடிச்சுக்கிட்டு தோட்டத்தைச் சுத்திச் சுத்தி வந்து பெருமூச்சுவிடுவார்.
அப்போ ஒருநாள், இங்க வேலை பார்த்துட்டு இருந்த ஒரு பெரியவரோட மகள், தன் எட்டு வயசுப் பேத்தியைக் கூட்டிட்டுத் தோட்டத்துக்கு வந்திருந்தா. அந்தப் பேத்தி வாய் பேச முடியாத பொண்ணு. முறையா டாக்டர்கிட்ட காண்பிக்காம - காண்பிக்க வசதி இல்லாமதான் இந்த நிலைமைக்கு ஆளாயிருக்குன்னு சொல்லி அந்தப் பெரியவர் அழுததைக் கேட்டார்.
உடனே தனக்கு ட்ரீட்மென்ட் தந்துட்டு இருந்த டாக்டர்களைக் கூப்பிட்டு, அந்தப் பொண்ணுக் கும் சிகிச்சை செய்யச் சொன்னார். ஆச்சர்யப் படற அளவுல அந்தப் பொண்ணுக்கு எட்டாவது வாரமே ஓரளவு பேச வந்திட்டுது. அன்னிக்கு அவர் பட்ட சந்தோஷத்துக்கு அளவே இல்லை.
அதுல இருந்தே அவர் கொஞ்சம் மனசு லேசான உணர்வுல இருந்தார்னு சொல்லலாம். அப்போ தான் சொத்துக்கள் பத்தி இப்படி ஒரு நல்ல முடிவு எடுத்திருப்பார்னு நினைக்கிறேன். இந்த ஏழரை ஏக்கர் நிலத்துல இந்த வீடு இருக்கிற இடம் போக, மீதி இருக்கிற எல்லா இடத்தையும், வாய் பேச இயலாத, காது கேட்கும் திறன் குறைஞ்ச குழந்தைகளுக்கான ஸ்கூல் ஆரம்பிச்சு நடத்தணும்னு உயில்ல எழுதிவெச்சிட்டாரு.
அப்படி ஆரம்பிக்கப்பட்ட இந்தப் பள்ளியையும் இதுல சேர்ந்து படிக்கிற பிள்ளைகளையும் பார்க்கிறப்போ, என் மனசுக்கு ரொம்ப நிறைவா இருக்குது.''

(1993-ம் ஆண்டில் தமிழ் வார இதழ் ஒன்றுக்கு அமரர் எம்.ஜி.ஆரின் மனைவி, மறைந்த முன்னாள் தமிழக முதல்வர் ஜானகி அம்மையார் அளித்த பேட்டி )

தமிழ்நாட்டு மக்களுக்கு வழிகாட்டியாய் மாற்றுத் திறனாளிகளே திகழ்கின்றனர்

விவரங்கள்

எழுத்தாளர்: பெ.மணியரசன்

தாய்ப் பிரிவு: சமூகம் - இலக்கியம்

பிரிவு: நிகழ்வுகள்

வெளியிடப்பட்டது: 03 ஜூலை 2014

தமிழகத்தில் சற்றொப்ப 22 இலட்சம் மாற்றுத் திறனாளிகள் வாழ்ந்து வருகின்றனர். அவர்களை சீர்தூக்கி விடும் வகையிலான பல சட்டங்களை நடுவண், மாநில அரசுகள் அவ்வப்போது இயற்றி வருகின்றன. ஆனால், இவற்றை நடைமுறைப்படுத்த மாற்றுத் திறனாளிகள் கடும் போராட்டத்தையே சந்திக்க வேண்டியிருக்கிறது. தொடர்வண்டியில் மாற்றுத் திறனாளிகளுக்கென தனிப்பெட்டி ஒதுக்கீடு செய்யப்பட்டுள்ளது. ஆனால், நடைமுறையில் அதை மாற்றுத்திறனுடையோர் அல்லதார் அத்துமீறி நுழைந்து பயன்படுத்துகின்றனர். அதோடு மட்டுமின்றி, அப்பெட்டியில் ஏறும் மாற்றுத் திறனாளிகள் மீதும் துன்புறுத்தல்கள் நிகழ்கின்றன. மாற்றுத் திறனாளிகளை இழுத்துத் தள்ளுதல் போன்ற செயல்களில் ஈடுபடுகின்றனர்.

அவ்வகையில், கடந்த 13.06.2014 அன்று காலை, தமிழ்நாடு மாற்றுத்திறனுடையோர் சங்கங்களின் கூட்டமைப்பின் துணைத் தலைவர் திரு. தீபக், திருச்சியிலிருந்து சென்னை வரை பல்லவன் தொடர்வண்டியில்

மாற்றுத் திறனாளிகளின் கோரிக்கை, தேவை உரிமைகள் - இலவசங்கள் அல்ல

எப்போதும் நேர்மறையான (positive) சொற்களும், பேச்சும் ஒருவருடைய மனத்தை உற்சாகப்படுத்தி, உற்சாகமுடன் செயல்பட வைக்கும். அந்த வகையில், உடல் உறுப்பு குறைபாடுடையோரை ஊனமுற்றோர் (handicaped) இயலாதவர்(disabled) என்பன போன்ற எதிர்மறையான (negative)  சொற்களால் அழைப்பதைத் தவிர்த்து, மாற்றுத்திறனாளிகள் என அழைக்க வேண்டும் என்று அவர்களுக்கான இயக்கங்கள் வலியுறுத்தி வருகின்றன. அதை நாமும் வரவேற்கிறோம்.

இந்திய அளவில் 2 விழுக்காட்டினராகவும், தமிழ்நாட்டில் 18 இலட்சமாகவும் உள்ள மாற்றுத்திறனாளிகள் அரசிடமும், சமூகத்திடமும் பின்வரும் கோரிக்கைகளை முன்வைக்கின்றனர். மாற்றுத்திறனாளிகளுக்கான

மாற்றுத்திறனாளிகளும் மருத்துவச் சான்றிதழ்களும்...

கோவை மாவட்டம் அன்னனூர் ஒன்றியம் ‍பொத்தியாம்பாளையம் கிராமத்தைச் சேர்ந்த சிறு விவசாயின் மகளான பானுசுந்தரி(24) என்ற கல்லூரி மாணவி 2/5/2012 அன்று என்னைத் தொலைபேசியில் தொடர்பு கொண்டு உயர் கல்விக்கு மற்றும் வங்கித் தேர்வுகள் எழுதுவதற்காக மருத்துவக் குழுவின் மருத்துவச் சான்றிதழ் வேண்டும், இதனை எவ்வாறு பெறுவது என்று கேட்டார். அவரை நேரில் சந்தித்து, மருத்துவக் குழுவின் மருத்துவச் சான்றிதழ் நகல் ஒன்றையும், அதனை எப்படி விண்ணப்பித்துப் பெறுவது என்பதையும் விளக்கமாகக் கூறினேன்.

***

எத்தனை வகை மருத்துவச் சான்றிதழ்கள் . . .

இருபது ஆண்டுகளுக்கு முன் நான் திருநெல்வேலி சந்திப்பிள்ளையார் கோவில் முக்கு அருகில் உள்ள ஒரு தனியார் மருத்துவமனையில் எலும்பு

இலக்கியத்தில் மாற்றுத்திறனாளிகள்

இலக்கியம் மனிதவாழ்க்கையின் பிரதிபலிப்பு

லதா ராமகிருஷ்ணன்

இலக்கியம் என்பது மனிதவாழ்க்கையின் பிரதிபலிப்பு என்றும், மனித வாழ்க்கை எப்படியிருக்க வேண்டும் என்ற இலட்சிய நோக்கினைப் பிரதிபலிப்பதாய் இலக்கியம் விளங்க வேண்டும் என்றும், இவ்விரண்டு பிரதிபலிப்புகளும் கலந்ததே இலக்கியம் என்றும் நம் வாசிப்பனுபவத்தில் விளங்கிக்கொண்டிருக்கிறோம். எழுத்தின் வலிமை எல்லோருக்கும் தெரியும். சிறந்த நேர்மையான படைப்புகள் பல சமூகத்தில் சீரிய மாற்றங்கள் உருவாகக் காரணமாய் இருந்திருக்கின்றன; இருந்துவருகின்றன.
உண்மையின் அடிப்படையில் உருக்கொள்வதுதான் புனைவு அல்லது கற்பனை. உலகில், காலங்காலமாக மாற்றுத்திறனாளிகளின் இருப்பு என்பது நடப்புண்மை. எனில், அவர்களைப் பற்றிய சித்திரிப்புகள் இலக்கியப் படைப்புகளில் இடம்பெற்றுள்ளனவா? உள்ளது எனில் எப்படிப்பட்ட சித்தரிப்புகள்? இலக்கியப் படைப்புகளில் பண்டைய இலக்கியந்தொட்டு சமகாலஇலக்கியம் வரை, உள்ளூர் இலக்கியம் முதல் உலகளாவிய இலக்கியம் வரை எத்தனை கதாபாத்திரங்கள் மாற்றுத்திறனாளிகளாக இடம்பெற்றிருக்கிறார்கள்? அவர்கள் எவ்விதம் சித்திரிக்கப்பட்டிருக்கிறார்கள்?

இலக்கிய ஊடக வெளிகளில் மாற்றுத்திறனாளிகள்:
மாற்றுத்திறனாளிகள் மதிப்பழிக்கப்படுவது, கேலிப்பொருளாக பாவிக்கப்படுவது சின்னத் திரை பெரியதிரைகளில் காலங்காலமாக இருந்துவரும் போக்கு. ஏதாவதொரு சமயத்தில்தான் இதுகுறித்து எதிர்ப்புக்குரல் ஒலிக்கிறது. தொடர்ந்த ரீதியில் இத்தகைய போக்குகள் கேள்விக்குட்படுத்தப்படுவதில்லை.

பெரும்பாலான நேரங்களில் மாற்றுத்திறனாளிகள் ஒன்று, அனுதாபத்துடன் அணுகப்படுகிறார்கள், அல்லது, அலட்சியமாக, அசிரத்தையாக அணுகப்படுகிறார் கள்.

பாதிப்புக்குள்ளானவர்களால்தான் தங்களுடைய பிரச்னைகளை சரிவர எடுத்துரைக்க முடியும் என்ற பார்வையின் அடிப்படையில் பார்த்தோமானால் மாற்றுத்திறனாளிகள் எத்தனைபேர் இலக்கியப்படைப்பாளிகளாய் விளங்குகிறார்கள்? விளங்கியிருக்கிறார்கள்?

இதுபோன்ற கேள்விகளை உள்ளடக்கிய ஆழமான ஆய்வலசல் எதுவும் தமிழில் வெளிவந்திருப்பதாகத் தெரியவில்லை. வரவேண்டியது அவசியம்.
கடந்த 30 வருடங்களாக நான் பங்கேற்றிருக்கும் வெல்ஃபேர் ஃபவுண்டேஷன் ஆஃப் தி ப்ளைண்ட் [WELFARE FOUNDATION OF THE BLIND] என்ற ‘பார்வையற்றோர் நன்நல அமைப்பி’ல் இந்த நோக்கில் கடந்த பத்துவருடங்களுக்கும் மேலாக பார்வையற்றோரின் பிரச்னைகள்/ வாழ்க்கை குறித்துப் பேசும் நூல்களையும், பார்வையற்றோரின் படைப்பாற்றல்களை வெளிப்படுத்தும் நூல்களயும் வெளியிட்டு வருகிறோம். இதுபோல் வேறு சில தனிநபர்களும் அமைப்புகளும் முயற்சிகள் மேற்கொண்டிருக்கக்கூடும். ஆனால், இவை போதுமா?

‘பெண் என்பதால் பெண்களின் பிரச்னைகளைப் பற்றி மட்டும்தான் எழுத வேண்டுமா?  பெண் என்பதாலேயே எல்லாத்தரப்புப் பெண்களுக்குமான பிரதிநிதியாய் பெண்களின் பிரச்னைகளை, இயல்புகளை, வாழ்க்கையை துல்லியமாக எழுத்தில் வடித்துவிட இயலுமா? என்பதான கேள்விகளைப் போலவேதான் மாற்றுத்திறனாளிகள் விஷயத்திலும் கேள்விகள் எழுவது இயல்பு. தவிர, மாற்றுத்திறனாளிகள் என்ற பிரிவில் பலதரப்பட்ட உடற்குறை உள்ளவர்களும் அடங்குவர்.

எப்படியிருந்தாலும், சமூகத்தில் மாற்றுத்திறனாளிகளும் சீரிய பங்களிக்கும் [உரிய வழிவாய்ப்புகள் தரப்பட்டால் அங்கத்தினர்கள் இன்னும் சிறப்பாகப் பங்களிக்கக் கூடியவர்கள்]என்பதில் மாற்றுக்கருத்திருக்க முடியாது. சமூக அங்கத்தினர்கள் என்ற அளவில் இலக்கியப்படைப்பு களிலும், ஒளி-ஒலி ஊடகங்களிலும் அவர்களின் பங்கேற்பும் சித்திரிப்பும் எத்தகையதாய் விளங்குகிறது?

படைப்புவெளியில் பார்வையற்றோர்
இலக்கியம் நமக்கு எதிராக இயங்குகிறதா? [IS LITERATURE AGAINST US?] என்ற அகல்விரிவான கட்டுரையொன்றை சமீபத்தில் படிக்க நேர்ந்தது. டாக்டர் கென்னெத் ஜெர்நிகன் என்ற பார்வையற்றவர் இருபது முப்பது வருடங்களுக்கு முன்பு எழுதியிருக்கும் அந்தக் கட்டுரை அழுத்தமான ஆதாரங்களுடன் ‘இலக்கியப் படைப்புகள் பார்வையற்றோரைப் பார்க்கும் ‘அறியாமை நிரம்பிய பாரபட்சப் பார்வையை எடுத்துரைத்திருக்கிறது. பார்வையின்மை என்பது தண்டனையாகவும், தெய்வம் தந்த வரமாகும்படியான தூய பண்பாகவும், பார்வைக்குறைபாடுடையவர் பரிதாபத்திற்குரியவர், கயவர், ஏமாற்றுக்காரர், திருமண வாழ்க்கையில் திருப்திகரமாக ஈடுபட முடியாதவர், தனித்ஹ்டியங்க இயலாதவர் என பலவிதமான எதிர்மறைச் சித்திரிப்புகளாய் காலங்காலமாய் இலக்கியப்படைப்புகளில் தரப்பட்டிருப்பதை எடுத்துக்காட்டியுள்ளார். பார்வையிழப்பிற் குப்பின் ‘பாரடைஸ் லாஸ்ட்’[இழந்த சொர்க்கம்] என்ற அமர காவியத்தை எழுதிய மில்ட்டன்கூட சமூகத்தில் பார்வையற்றோர் குறித்து நிலவும் எதிர்மறைப் பார்வைகளால் ஆக்கிரமிக்கப்பட்டவராய் அத்தகைய எதிர்மறைக் கருத்துகளையே, அதாவது பார்வையின்மை இறப்பைவிடக் கொடியது, பார்வையற்றவர் சபிக்கப்பட்டவர் என்ற ரீதியில், சொல்லியிருப்பதைச் சுட்டிக்காட்டி யுள்ளார். நம்முடைய உண்மைநிலையை உலகுக்கு எடுத்துச்சொல்ல நாம் உடனடியாகச் செயலில் இறங்க வேண்டும் என்று கூறியுள்ளார். கண்டிப்பாகத் தமிழில் மொழி பெயர்க் கப்படவேண்டிய இந்தக் கட்டுரை நம் கையில் கிடைப்பதற்கே இருபதாண்டுகளுக்குமேல் ஆகிவிட்டது.

கணினி, கைபேசி ஆகிய தொழில்நுட்ப வளர்ச்சிகளின் மூலம் இன்று பார்வைக் குறைபாடுடைய மனிதர்களால் இதுவரை படிக்கக் கிடைக்காமலிருந்த பல புனைவு, அ-புனைவுப் பிரதிகளை அவர்களால் படிக்கமுடிகிறது.

ஆனால், இந்த இருபது, முப்பது ஆண்டுகளில் படைப்பு வெளியில் படைப்பாளிகளாகவும், பாத்திரங்களாகவும் இடம்பெறுதல் அளவிலும் தரத்திலும் [quantity-wise and quality-wise]அதிகமாகியிருக்கிறதா என்றால் இல்லை யென்றே சொல்லவேண்டும்.

காலிழந்தவர் கதாநாயகியாகக்கூடாதா?
முப்பது வருடங்களுக்குமேல் இருக்கும். விபத்தில் தனது ஒரு காலை இழந்து விட்ட பதினாறுவயதுப் பெண் சுதா சந்திரன் தன் விடாமுயற்சியால் நடுவில் நின்று போன நாட்டியப்பயிற்சியை செயற்கைக்காலுடன் நிறைவுசெய்து ‘மயூரி’ படத்தில் நடித்து பரவலாகப் பேசப்பட்டுக்கொண்டிருந்த சமயம். அப்போதைய பிரபல எழுத்தாளர் பாலகுமாரன் ஒருவருடைய தொடர்கதையின் கதாநாயகனுக்கு செயற்கைக்கால். அவன் மூலம் வாசகர்களுக்கு அறிவுரை தருவதாய் அந்த எழுத்தாளர், ‘நம்முடைய உடற்குறையை நாம் மறுதலிக்கலாகாது. இயலாத விஷயத்திற்கு முயற்சி செய்யலாகாது. திரைப்படங்களில் நடித்தால் ஒன்றிரண்டு தடவைகள் பரிதாபத்திற் காய் பார்ப்பார்கள். பிறகு...?’ என்றெல்லாம் கேள்விகளை அடுக்கிக்கொண்டே போய் ‘மயூரி ஒரு முட்டாள்’ என்று ‘மனிதநேய’த்தோடு முடித்திருந்தார். அந்த சுதா சந்திரன் இன்றளவும் நடித்துக்கொண்டிருக்கிறார்.
மாறாக, ‘டப்பிங்’ அதாவது இரவல் குரல் கொடுத்தல் என்ற, இன்று சின்னத்திரையிலும் வண்ணத்திரையிலும் பெருமளவு பயன்படுத்தபட்டுவரும் உத்தியைப் பயன் படுத்தி காதுகேளாத, வாய்பேசாத பெண்ணொருத்தியைத் தங்கள் படத்தில் இயல்பான கதாநாயகியாக நாடோடி படத்தில் நடிக்கச்செய்த முயற்சி பாராட்டிற்குரியது. இதுபோன்ற முயற்சிகள் ஒளி-ஒலி ஊடகங்களில் அதிகம் இடம்பெறவேண்டியது அவசியம். அதற்கு, சமூகத்திலும், குறிப்பாக படைப்பாளிகளிடம் மாற்றுத் திறனாளிகள் குறித்தபுரிதலும், அவர்களாலும் இயல்பாக வாழ்க்கையை எதிர்கொள்ள இயலும் என்ற புரிதலும் அதிகமாக வேண்டும்.

வேண்டுவது அனுதாபமல்ல: அங்கீகாரமே
பெண்கவிஞர் என்ற ஒற்றைச் சொற்பிரயோகத்தில் இலக்கியம் தெரிந்த தெரியாத, கவிதை தெரிந்த தெரியாத, நவீன கவிதை தெரிந்த தெரியாத ஆண்களெல்லோருமே படைப்புத்துறையில் ஈடுபட்டுள்ள பெண்களை மதிப்பாய்வு செய்யும் தகுதியுடையவர் களாகிவிடுவதுபோல், வெகு சுலபமாய் தங்களை புரவலர் நிலையில் ஆலோசகர் நிலையில் மேலடுக்கில் நிலைபெறச்செய்து கொண்டு விடுவது போலவே உடற் குறையுடையவர்கள் – அவர்கள் எழுத் தாளர்களோ, வாசகர்களோ – உடற்குறையுள்ள படைப்பாளிகளை அனுதாபத் தோடு பார்ப்பதும், அவர்களுக்கு அறிவுரை கூற முற்படுவதும் தொடர்ந்து நடந்துவரும் ஒன்று.

ஏதேனும் உடற்குறையுடையவர்கள் படைபாக்கத்தில் ஈடுபட்டால் உடனே அவருக்கு ஆலோசனை கூறவும் அறிவுரை தரவும் பலர் முன் வந்துவிடுகிறார்கள். ‘பார்வைக்குறை உடையவர்கள் பார்வையின்மை, அது சார்ந்த பிரச்னைகளையே முன்னுரிமைப்படுத்தி எழுத வேண்டும். ஏனெனில், அவற்றையெல்லாம் அத்தனை நம்பகத்தன்மையோடு மற்றவர்களால் எழுத இயலாதல் லவா?” என்று தங்கள் ஆலோசனைகளுக்கு நியாயம் கற்பிப்பார்கள். பார்க்கமுடியாது, பேச முடியாது, கேட்க முடியாது என்ற நிலையிலும் கல்வி கற்று தேர்ச்சி பெற்று பார்வையற் றவர்களின் நலவாழ்வுக்காகப் பெரும்பங்காற்றிய ஹெலன் கெல்லருக்கும் இந்த அனுபவம் உண்டு. அவர் தன்னுடைய சுயசரிதையை, தான் பட்ட துன்பங்களை எழுதியபோது அவருடைய எழுத்தைக் கொண்டாடிய சமூகம், சமூகத்தின் ஓர் அங்கத்தினராய் அவர் சமூக அவலங்கள் குறித்து எழுதியபோது, அவை குறித்த தனது அக்கறையான பார்வைகளை, கருத்துகளை முன்வைத்தபோது அந்த முயற்சியை எளிதாகப் புறந்தள்ளிவிட்டதாம். REBEL LIVES என்ற வரிசையில் வெளியிடப்பட்டுள்ள ‘ஹெலென் கெல்லர் நூல் இதை விளக்கமாக எடுத்துக் காட்டுகிறது என்று விவரம் கிடைத்தது.

......2

மாற்றுத்திறனாளிகளின் சனநாயக உரிமைகள்...!

தமிழகத்தில் உள்ள மொத்த மாற்றுத்திறனாளிகளின் எண்ணிக்கை சுமார் 18 இலட்சத்திலிருந்து 22 இலட்சம் (18 இலட்சம் 2001 ஆண்டு கணக்கெடுப்பு. அரசு புள்ளி விபரம்) ஐக்கியநாடுகளின் மாற்றுத்திறனாளிகளுக்கான உரிமை சாசனத்தில் இந்தியா கைச்சாத்திட்டு மூன்று ஆண்டுகள் நிறைவடைந்து விட்டன. (Ratification in UNCRPD). எவ்விதத்திலும் எவ்வகையான மாற்றுத்திறனாளிகளுக்கும் ஒதுக்குதலோ, வேறுபாடு காட்டுதலோ கூடாது; சம உரிமை, சம வாய்ப்பு, சமமான பங்கேற்பு என்பது அனைத்து மட்டத்திலும் இருக்க வேண்டும் என்பதை இந்த உரிமை சாசனம் தெளிவாக, ஆணித்தரமாக உணர்த்துகிறது. இதனையே மாற்றுத்திறனாளிகளுக்கான 1995ஆம் ஆண்டுச் சட்டமும் கூறுகிறது. (Persons with Disabilities Act 1995).

ஆனால் இந்த உள்ளாட்சித் தேர்தலில்(2011) தமிழக தேர்தல் ஆணையம் வெளியிட்டுள்ள வேட்பாளர்களுக்கான விதிமுறையில் "செவிட்டு ஊமைகள் தேர்தலில் போட்டியிடக்கூடாது' என்ற விதியை முக்கியமான விதிகளில் மூன்றாவது விதியாக வைத்திருக்கின்றது. இந்திய அரசால் இயற்றப்பட்ட மாற்றுத்திறனாளிகளுக்கான 1995ஆம் ஆண்டு சட்டம் தமிழக அரசிற்கு பொருந்தாதா? இப்பிரச்னையை ஏன் யாருமே கண்டு கொள்வதில்லை? மாற்றுத்திறனாளிகளுக்காக பணியாற்றும் ஆயிரக்கணக்கான தொண்டு நிறுவனங்கள் இருந்தும் ஏன் இவ்விடயத்தில் மெளனமாக இருக்கின்றன? அரசியல் கட்சிகள் ஏன் இவ்விடயத்தில் மெளனமாக இருக்கின்றன?

1. 2009ஆம் ஆண்டு நடைபெற்ற பாராளுமன்ற மக்களவைத் தேர்தலில் மார்க்ஸிஸ்ட் கம்யூனிஸ்ட் கட்சியின் தேர்தல் அறிக்கையில் மாற்றுத்திறனாளிகளுக்கென கிட்டத்தட்ட 13 பக்கங்களை ஒதுக்கியுள்ளது. ஆனால் மக்களவைத் தேர்தலுக்கு போட்டியிட ஒரு மாற்றுத்திறனாளிக்குக் கூட வாய்ப்பளித்ததாகத் தெரியவில்லை.

2) கடந்த 2010 ஆம் ஆண்டு தமிழக முதல்வராய் இருந்த திரு.கருணாநிதி அவர்கள் மாற்றுத்திறனாளிகளின் அரசியல் உரிமைகள் பாதுகாக்கப்படும். (3/3/2010 திருச்சி பொதுக் கூட்டம்) சட்டமன்ற பாராளுமன்றத்தில் மாற்றுத்திறனாளிகளுக்கு உரிய இடஒதுக்கீடு பெற்றுத் தரப்படும் என்று வாக்குறுதி அளித்தார். ஆனால் கடந்த சட்டமன்றத் தேர்தலிலோ, தற்போதைய உள்ளாட்சித் தேர்தலிலோ எந்த மாற்றுத்திறனாளிக்கும் வாய்ப்பளித்தாகத் தெரியவில்லை.

3) மாற்றுத்திறனாளிகளில் 70லிருந்து 80 சதவிகிதத்தினர் தலித்களாகவும், மிகவும் பிற்படுத்தப்பட்டவர்களாகவும் இருக்கிறார்கள் என்பதை ஒடுக்கப்பட்ட மக்களுக்கான அரசியல் கட்சிகளாக தங்களை அடையாளப்படுத்துபவர்கள் உணர்வார்களா? மாற்றுத்திறனாளிகள் பற்றிய அக்கறை உண்டா?

4) அன்னிய நாடுகளில் அடிமைப்பட்டுக் கிடக்கும் தமிழர்களின் விடுதலை பற்றிப் பேசும் அரசியல் கட்சிகள், சொந்த நாட்டில் அடிமைகளைவிட மிகவும் கீழாக நடத்தப்பட்டு அனைத்து உரிமைகளும் மறுக்கப்பட்ட மாற்றுத்திறனாளிகள் பற்றி என்ன கருத்து கொண்டுள்ளன?

உள்ளாட்சித் தேர்தலில் மாற்றுத்திறனாளிகளுக்கு எதிரான விதியை அகற்ற, மாற்றுத்திறனாளிகள் உரிமைகளை ஏற்று அவர்களுக்கு அரசியல் உரிமைகள் அளிக்க, சமூக அக்கறையுள்ள அமைப்புகள், சமூக அக்கறையுள்ள அரசியல் கட்சிகள், ஊடகங்கள், தொண்டு நிறுவனங்கள், சமூக ஆர்வலர்கள் முன்வர வேண்டும். அனைத்து மக்களின் பங்கேற்பும், பிரதிநிதித்துவமுமே ஜனநாயகம். மாற்றுத்திறனாளிகளுக்கான பிரதிநிதித்துவம் இல்லாமல் அவர்களுக்கான சட்டங்களை இயற்றுவது எவ்வளவு பாரதூரமானது? அனைவரும் சமம், அனைவருக்கும் சமமான உரிமை, அனைவரின் அரசியல் பங்கேற்பை உறுதி செய்தல் என்பதே சனநாயகத்திற்கு ஏற்புடையது.

- சூர்ய.நாகப்பன்

செவித்திறன் குறைபாடு உடைய மாற்றுத்தி​றனாளிகள் கவனத்திற்கு​...

செவித்திறன் குறைபாடு உடைய மாற்றுத்திறனாளி ஒருவர், மாற்றுத்திறனாளிகளுக்கான "ஹெல்ப் லைன்" எண்ணில் (9944556168) குறுஞ்‍செய்தி மூலமாகத் தொடர்பு கொண்டு என்னைச் சந்தித்தார். கோவையின் புறநகர்ப் பகுதியைச் சேர்ந்த அந்த மாற்றுத்திறனாளி "நான் பத்தாம் வகுப்பு முடித்து மூன்று ஆண்டுகள் ஆகின்றது. தற்பொழுது தமிழ்நாடு திறந்தநிலைப் பல்கலைககழகத்தில் இளங்கலை கணினி அறிவியல் படித்து வருகிறேன்" என்று கூறினார். நான் பன்னிரெண்டாம் வகுப்பு தேர்ச்சி பெற்றிருக்கின்றீர்களா என்று கேட்டேன். "இல்லை தற்பொழுது பன்னிரெண்டாம் வகுப்பு தனித் தேர்வுக்கு விண்ணப்பிக்கவே வந்துள்ளேன்." என்றார்.

தனித் தேர்வுக்கு விண்ணப்பிக்க 19/11/2013 அன்று இறுதிநாள். எனவே இணையம் மூலமாக எனது விண்ணப்பத்தை அனுப்ப உதவுமாறு கேட்டுக் கொண்டார். பன்னிரெண்டாம் வகுப்பு படிக்காமல் நீங்கள் படித்துக் கொண்டிருக்கும் பட்டம் செல்லாது என்று கூறினேன். அவர் அதை நம்பவில்லை. "நான் இரண்டாண்டுகளுக்கு மேலாக தனியார் பயிற்சி மையத்தில் மாதம் ரூ.650 கட்டணமாகச் செலுத்திப் படித்து வருகிறேன். சேர்ப்புக் கட்டணமாக ரூ.2000 செலுத்தியுள்ளேன். தற்பொழுது மூன்றாம் ஆண்டில் படித்து வருகிறேன்" என்றார். மேலும் செவித்திறன் குறைபாடு உடையவர்கள் பன்னிரெண்டாம் வகுப்பு படித்துத்தான் பட்டப்படிப்பில் சேரமுடியும் என்ற நிலை இல்லை. நேரடியாகவே பட்டப்படிப்பு படிக்கலாம் என்று கூறினார்.

தற்பொழுது வீட்டின் அருகில் இருக்கும் ஒரு தனியார் பள்ளி ஆசிரியர் கூறியதால் தான் பன்னிரெண்டாம் வகுப்பு தேர்வுக்கு விண்ணப்பிக்க வந்ததாகவும், தனக்கு இதில் விருப்பமில்லை; இருந்தாலும் எனது பெற்றோர் என்னை பன்னிரெண்டாம் வகுப்பு படிக்கும்படி வற்புறுத்துகின்றனர். அவர்களுக்காகவே நான் படிக்க விண்ணப்பிக்கிறேன் என்று கூறினார்.

அந்த மாணவரின் நண்பர்கள் சிலரின் கைபேசி எண்களைப் பெற்று அவர்களிடம் குறுஞ்செய்தி அனுப்பி விசாரித்தேன். அவர்கள் அனைவருமே திறந்த நிலைப் பல்கலைக் கழக‌ங்களில் இளங்கலை ஆங்கில இலக்கியம், இளங்கலை வணிகவியல், இளங்கலை கணினி அறிவியல் போன்றவற்றைப் பயில்வதாகவும் கூறினர். மிகவும் அதிர்ச்சியாகவும் வருத்தமாகவும் இருந்தது. அவர்கள் அனைவருமே பத்தாம் வகுப்பை தமிழ் வழியில் படித்துவிட்டு அடுத்த கட்டமாக என்ன செய்வது என்பதை அறியாது தடுமாறிக் கொண்டிருக்கும் நிலையில், வணிக நோக்கத்தோடு செயல்படும் சில தனியார் பயிற்சி நிறுவனங்கள் இவர்களது அறியாமையைப் பயன்படுத்தி பணம் சம்பாதிக்கின்றனர். ஒவ்வொரு ஆண்டும் நூற்றுக்கணக்கான செவித்திறன் குறைபாடு உடைய மாற்றுத்திறனாளிகளை தங்களது வலையில் வீழ்த்தி ஏமாற்றி பணம் பறிக்கும் வேலையைச் செய்து வருகின்றனர். இந்தப் பணியில் சில செவித்திறன் குறைபாடு உடைய மாற்றுத்திறனாளிகளே ஈடுபடுகின்றனர் என்பது வேதனைக்குரியது.

மேலும் ஒரு செய்தி என்னை மிகவும் பாதித்தது. அந்த செவித்திறன் குறைபாடு உடைய மாற்றுத்திறனாளி பத்தாம் வகுப்புவரை தமிழ்வழியில் படித்து தேறியவர். ஆனால் தற்பொழுது அவர் என்னால் தமிழில் படிக்கவோ எழுதவோ இயலாது. தமிழ் எனக்குத் தெரியாது. இனி நான் ஆங்கிலத்தில் படிக்கவே விரும்புகிறேன் என்று கூறினார். மிகவும் அதிர்ச்சியடைந்தேன். செவித்திறன் குறைபாடு உடைய மாணவர்களுக்கு/மாணவிகளுக்கு ஒரு மொழி மட்டுமே பயிற்று மொழியாக இருக்கும். இரண்டாம் மொழி என்பதே கிடையாது. அனைத்துப் பாடங்களையும் அவர்களின் தாய் மொழியில் மட்டுமே பயில்கின்றனர். தாய்மொழி தவிர இரண்டாவது மொழியாக எதையும் எடுத்துப் படிக்க வேண்டியதில்லை. தமிழ்நாட்டில் தமிழ் மொழியை மட்டும் படித்தால் போதுமானது. இரண்டாம் மொழியாக ஆங்கிலம் படிப்பதிலிருந்து அவர்களுக்கு முற்றுமாக விலக்களிக்கப்பட்டுள்ளது.

ஆங்கிலத்தை ஒரு மொழியாகக் கூடப் பயிலாத செவித்திறன் குறைபாடு உடைய மாற்றத்திறனாளிகள் சிலரின் தவறான வழிகாட்டுதலினால், தொடர்ந்து அவர்களிடம் மேற்கொள்ளும் மூளைச் சலவையினால் தமிழை மறந்து ஆங்கிலத்தை ஏற்கின்றனர். இதனால் தமிழையும் அவர்களால் ஏற்பதில்லை ஆங்கிலத்திலும் அடிப்படையைக் கூட கற்றுக் கொள்ள இயலுவதில்லை. சின்னச் சின்ன வார்த்தைகளை தப்பும் தவறுமாக ஆங்கிலத்தில் குறுஞ்செய்தியாக அனுப்புவதற்கு கற்றுக் கொண்டு முழுமையான ஆங்கில அறிவு பெற்றுவிட்டதாக தங்களைத் தாங்களே ஏமாற்றிக் கொள்கின்றனர்.

செவித்திறன் குறைபாடு உடைய மாற்றுத்திறனாளி சகோதர சகோதரிகளே உங்களுக்கு கனிவான சில வேண்டுகோள்கள்...

1. பத்தாம் வகுப்பு தேறியவுடன் அருகில் உள்ள ஏதேனும் ஒரு அரசு மேனிலைப் பள்ளியில் பன்னிரெண்டாம் வகுப்பில் சேர்ந்து உங்கள் படிப்பைத் தொடருங்கள். அனைத்து அரசு மேனிலைப் பள்ளியிலும் மாற்றுத்திறனாளிகளை உள்ளடக்கிய கல்வி வழங்கப்படுகிறது. (inclusive education system) இந்த முறையில் ஒவ்வொரு பள்ளியிலும் ஒரு சிறப்பாசிரியர் நியமிக்கப்பட்டிருக்கிறார். அவர் இவர்களது கல்விக்கு உதவுவார். மேலும் அரசு தொழிற் பயிற்சி (ITI), பல்தொழில்நுட்பப் பயிலகம் (Polytechnic) ஆகியவற்றிலும் சேர்ந்து படிக்கலாம். இதன் மூலமாக அரசு வேலைகளைப் பெறும் வாய்ப்பு அதிகரிக்கும்.

2. பன்னிரெண்டாம் வகுப்பு படிக்காமல் நேரடியாக திறந்த நிலைப் பல்கலைக் கழகத்தின் மூலமாகப் பெறும் பட்டம் பெயரளவில் மட்டுமே செல்லத் தக்கதாகம். இவ்வகையாகப் பெற்ற பட்டத்தைக் கொண்டு அரசுப் பணிகளுக்குச் செல்ல இயலாது. இதனை நன்கு உணர்ந்து பன்னிரெண்டாம் வகுப்பில் சேர்ந்து படியுங்கள்.

3. பன்னிரெண்டாம் வகுப்பிற்கு பிறகு கல்லூரியில் சேர்ந்தோ, தொலைநிலைக் கல்வி மூலமாகவோ பட்டம் பெறவும் முயற்சி செய்யுங்கள். தட்டச்சு, கணினி ஆகியவற்றையும் கற்றுத் தேர்ச்சி பெறுங்கள்.

4. இனிவரும் காலங்களில் சமூக ஆர்வலர்கள், மாற்றுத்திறனாளிகள் சங்கங்கள் ஆகியவற்றின் இடையறாத போராட்டங்களினாலும், உச்சநீதிமன்றம் வழங்கிய தீர்ப்புகளாலும், வழங்கக் காத்திருக்கும் தீர்ப்புகளாலும் மாற்றுத்திறனாளிகளுக்கான மத்திய மாநில அரசுகளில் வேலை வாய்ப்புகள் அதிகரிக்கும். அதில் செவித்திறன் குறைபாடு உடைய மாற்றுத்திறனாளிகள் தங்களது இடத்தை உறுதி செய்திட வேண்டும்.

5. செவித்திறன் குறைபாடு உடைய மாற்றுத்திறனாளிகளே உங்களுக்கு ஒரு மொழிக் கொள்கைதான் உதவும். இரண்டாம் மொழியை உங்கள் பட்டப்படிப்பிற்குப் பிறகு பயில்வதே சிறப்பாக இருக்கும். அடிப்படை ஆங்கில மொழி அறிவை நீங்கள் பெறுவது நல்லதே. இத்துடன் தமிழ் மொழியில் உள்ள சொற்களுக்கான பொருளை நன்கு புரிந்து கொள்ளவும் சைகைமொழியில் உங்கள் கருத்துக்களை நன்கு வெளிப்படுத்தவும் பயிற்சி எடுத்துக் கொள்ளுங்கள். பேசுபவர்களின் உதட்டசைவைக் நன்கு ஊன்றிக் கவனித்து அதன் பொருளை உணர்ந்து கொள்ளுங்கள். உலகம் முழுவதும் உங்களது சைகை மொழியின் மூலம் உங்களது கருத்துகளை வெளிப்படுத்த முடியும் என்ற தன்னம்பிக்கை கொள்ளுங்கள். உலகத்தை உங்களால் வெற்றி கொள்ள இயலும்.
- சூர்ய.நாகப்பன்