மாற்றுத்திறனாளிகளுக்கு சிறப்பு முகாம்

10.02.2019

ஓசூர்: ஓசூர் அருகே, தொரப்பள்ளி அக்ரஹாரத்தில், மாற்றுத்திறனாளிகளுக்கு சிறப்பு முகாம் நடக்கவுள்ளது. இதுகுறித்து, ஓசூர் சமூக பாதுகாப்பு திட்ட தனி தாசில்தார் சரவணன் வெளியிட்டுள்ள அறிக்கை: கிருஷ்ணகிரி மாவட்டம், ஓசூர் கோட்டம், மத்திகிரிக்கு உட்பட்ட தொரப்பள்ளி அக்ரஹாரத்தில், மாற்றுத் திறனாளிகளுக்கான சிறப்பு முகாம், வரும், 12 காலை, 10:00 மணிக்கு, ஆர்.டி.ஓ., விமல்ராஜ் தலைமையில் நடக்க உள்ளது. இதில், மூன்று சக்கர வாகனம், காது கேளாதோர் இயந்திரம், இலவச பஸ் பாஸ், இருசக்கர நாற்காலி, செயற்கை கால் போன்றவற்றை பெற, அந்தந்த வி.ஏ.ஓ.,க்களிடம் கோரிக்கை மனு வழங்கலாம். இவ்வாறு, அதில் கூறப்பட்டுள்ளது.