மாற்றுத்திறனாளிகளுக்கு மோட்டார் பொருத்திய விலையில்லா தையல் இயந்திரம்: விண்ணப்பதாரர்களுக்கு தகுதிகள்

சென்னை, செப். 12–

சென்னை மாவட்டத்தில் உள்ள மாற்றுத்திறனாளிகளுக்கு மோட்டார் பொருத்திய விலையில்லா தையல் இயந்திரம் பெற விண்ணப்பங்கள் வரவேற்கப்படுகின்றன என கலெக்டர் அன்புச்செல்வன் அறிவித்துள்ளார்.

சென்னை மாவட்டத்தில் இதுவரை தையல் இயந்திரம் பெறாத மாற்றுத்திறனாளிகளுக்கு மோட்டார் பொருத்திய தையல் இயந்திரம் பெற விண்ணப்பங்கள் வரவேற்கப்படுகின்றன. இத்திட்டத்தின் கீழ் பயன்பெற மாற்றுத்திறனாளிகளுக்கான தேசிய அடையாள அட்டை பெற்றிருக்கவேண்டும். கல்வித்தகுதி தேவை இல்லை எனினும் வயது 18 முதல் 45 வரை இருத்தல் வேண்டும், வருமான வரம்பு ஏதும் இல்லை. அரசு அல்லது தனியார் நிறுவனங்களிலிருந்து தையல் தெரியும் எனச் சான்று பெற்று இருத்தல் வேண்டும். இத்தகுதி உடையவர்கள் காது கேளாத மற்றும் கால்கள் பாதிக்கப்பட்ட மாற்றுத்திறனாளிகள் வெள்ளைத்தாளில் விண்ணப்பத்தினை பூர்த்தி செய்து மேலே கேட்கப்பட்டுள்ள தகுதிகளின் நகல்களுடன் மாவட்ட மாற்றுத்திறனாளிகள் நல அலுவலர், டி.எம்.எஸ் வளாகம், சென்னை (தொலைபேசி எண் 044-2431 5758) என்ற முகவரியில் விண்ணப்பிக்கவும். இவ்வாறு கலெக்டர் அன்புச்செல்வன் கேட்டுக்கொண்டுள்ளார்.