காது கேளாத வாய் பேசாத சிறுவனை மீட்ட போலீசார்

 07.01.2019, காரியாபட்டி:

காரியாபட்டி அருகே நான்கு வழிச்சாலையில் தனியாக நடந்து வந்த சிறுவனை ரோந்து போலீசார் பிடித்து ஆவியூர் போலீசில் ஒப்படைத்தனர். சிறுவனுக்கு காது கேட்காது, வாய் பேச முடியாமல் இருந்ததால் விசாரிப்பதில் சிக்கல் இருந்தது. கை விரல் ரேகை கொண்டு ஆதாரில் உள்ள முகவரியை கண்டறிய போலீசார் முயற்சி செய்து முடியவில்லை. வாகனத்தில் ஏற்றிச் சென்று சைகை மூலம் வீட்டு முகவரியை கண்டறிந்தனர். மதுரை ஜெய்ஹிந்த்புரத்தை சேர்ந்த மதியழகன் மகன் மணிமுருகன் என்பதும், தந்தை திட்டியதால் கோபித்துக் கொண்டு வீட்டை விட்டு வெளியேறியது தெரிந்தது. இதன்பின் ஆவியூர் எஸ்.ஐ.,கள் மகேஷ்வரன், பிச்சைபாண்டி, கலைச்செல்வன் மற்றும் போலீசார் சிறுவனை பெற்றோரிடம் ஒப்படைத்தனர்.