உலக காதுகேளாதோர் யூத் பேட்மிண்டனில் தங்கம் வென்ற தமிழக மாணவி

தைவானில் நடைபெற்ற உலக காதுகேளாதோருக்கான யூத் பேட்மிண்டன் போட்டியில் தங்கம் வென்று நாடு திரும்பிய மதுரையை சேர்ந்த மாணவி ஜெர்லின் அனிகாவுக்கு சென்னை விமான நிலையத்தில் உற்சாக வரவேற்பு அளிக்கப்பட்டது.

அப்போது செய்தியாளர்களை சந்தித்த ஜெர்லின் அனிகாவின் தந்தை ஜெய ரட்சகன், ஜெர்லின் 8 வயதில் இருந்து பேட்மிண்டன் விளையாடி வருகிறார் என்றார். மேலும், முறையான பயிற்சிகள் வழங்கப்பட்டால் ஒலிம்பிக்கிலும் ஜெர்லின் கலந்து கொண்டு வெற்று பெறுவார் என்ற நம்பிக்கை இருப்பதாகவும், கூறினார்.