மாற்றுத்திறனாளிகள் ரயில் பயண முன்பதிவை ஆன்லைனில் செய்வதற்கான சிறப்பு வசதியை ரயில்வே அறிவித்துள்ளது. உடல் ஊனம், செவித் திறன் குறைபாடு, பேச்சுக் குறைபாடு உள்ள மாற்றுத்திறனாளிகள் இந்த வசதியைப் பெறலாம் என ரயில்வே அமைச்சகம் வெளியிட்டுள்ள செய்திக் குறிப்பில் கூறப்பட்டுள்ளது.
அதன்படி, மாற்றுத் திறனாளிக்கான அசல் மருத்துவச் சான்றிதழுடன் இரண்டு புகைப்படங்கள், அடையாள அட்டை நகல், பிறந்த தேதிக்கான ஆதார நகல் ஆகியவற்றை மண்டல ரயில்வே மேலாளர் அலுவலகத்தில் அளித்து பதிவு செய்து கொள்ளலாம். ஆவண சரிபார்ப்புக்குப் பிறகு, தகுதியுள்ள நபர்களுக்கு ரயில்வேயின் அடையாள அட்டை அளிக்கப்படும். அதன் எண்ணைக் குறிப்பிட்டு ஆன்லைன் முன்பதிவில் மாற்றுத் திறனாளிகள் முன்னுரிமை பெறலாம் என ரயில்வே அமைச்சக செய்திக்குறிப்பில் தெரிவிக்கப்பட்டுள்ளது.
No comments:
Post a Comment