ராஜபாளையத்தில் மாற்றுத்திறனாளிகள் போராட்டம்

 02.09.2014, விருதுநகர் மாவட்டம் ராஜபாளையத்தில் வட்டாட்சியர் அலுவலகத்தில், காத்திருப்புப் போராட்டத்தில் மாற்றுத்திறனாளிகள் ஈடுபட்டனர்.

கடந்த 10 மாதங்களுக்கு மேலாக நிலுவையிலுள்ள உதவித்தொகையை உடனடியாக வழங்க வலியுறுத்தி இந்த போராட்டத்தில் மாற்றுத்திறனாளிகள் ஈடுபட்டனர். தமிழ்நாடு அனைத்து வகை மாற்றுத்திறனாளிகள் சங்‌கம் மற்றும் பாதுகாப்போர் உரிமைகளுக்கான சங்கம் சார்பில் நடத்தப்பட்ட இந்தப் போராட்டத்தில் 50க்கும் அதிகமான மாற்றுத்திறனாளிகள் பங்கேற்றனர். அடையாள அட்‌டை வைத்திருக்கும் அனைத்து மாற்றுத்திறனாளிகளுக்கும் நிபந்தனையின்றி உதவித்தொகை வழங்க வேண்டும், அந்த தொகை நேரடியாக பயனாளிகளிடம் அளிக்கப்பட வேண்டும் என்பன உள்ளிட்ட கோரிக்கைகளை வலியுறுத்தி இந்த போராட்டம் நடத்தப்பட்டது.