மாற்றுத்திறனாளிகளுக்கு தையல் இயந்திரம் வழங்குவதற்கான நேர்முகத் தேர்வு ஜூலை 6 ஆம் தேதி (திங்கள்கிழமை) நடைபெற உள்ளது என மாவட்ட ஆட்சியர் எ.சுந்தரவல்லி தெரிவித்துள்ளார்.
இது குறித்து அவர் வெளியிட்டுள்ள செய்திக்குறிப்பு:
சென்னை மாவட்டத்தினைச் சேர்ந்த கால் செயலிழந்தாúர், காது கேளாத, வாய் பேசாத 18 வயது முதல் 45 வயதுக்குட்பட்ட மாற்றுத்திறனாளிகளுக்கு தையல் இயந்திரம் வழங்கப்பட உள்ளது. இதற்காக, நேர்முகத்தேர்வு திங்கள் கிழமை காலை 10 மணிக்கு மாவட்ட மாற்றுத்திறனாளிகள் நல அலுவலகத்தில் நடைபெற உள்ளது.
எனவே, தகுதியுடைய மாற்றுத்திறனாளிகள் தேசிய அடையாள அட்டை, குடும்ப அட்டை, தையல் பயின்றதற்கான சான்றிதழ் உள்ளிட்ட அசல், நகல் சான்றுகளுடன் நேர்முகத்தேர்வில் கலந்து கொண்டு பயன்பெறலாம் எனத் தெரிவிக்கப்பட்டுள்ளது.
No comments:
Post a Comment