இதே நாளில் அன்று

1922 - ஆகஸ்ட் 2

போட்டோபோன், ஆடியோ மீட்டர், மெட்டல் டிடக்டர், இண்டக் ஷன் பேலன்ஸ், வாய்ஸ் ரெக்கார்டிங், சிலிண்டர் உள்ளிட்ட, 60 கண்டுபிடிப்பு களுக்கான  காப்புரிமை பெற்றவர் அலெக்சாண்டர் கிரகாம் பெல்.கடந்த, 1847 மார்ச் 3ம் தேதி, ஸ்காட்லாந்தில், எடின்பர்கில் பிறந்தார். பள்ளி செல்ல நாட்டமில்லாமல், ஒலி அலைகளைப் பற்றி ஆராய்ச்சி செய்வதில் ஈடுபட்டார்.
பல்வேறு தோல்விகளுக்கு பின், 1876ல், தொலைபேசியைக் கண்டுபிடித்தார். அவர், தன் உதவியாளரிடம், 'வாட்சன் இங்கே வாருங்கள்; உங்களைக் காண வேண்டும்' என்பது தான், தொலைபேசி வழியாக வந்த முதல் குரல்!இவரது தாயும், மனைவியும் காது கேளாதோர்; அவர்களின் துயரத்தை உணர்ந்ததால், காது கேளாதோருக்காக, பல்வேறு அமைப்புகளை ஏற்படுத்தி, பெரும் பொருள் உதவி செய்தார். அலெக்சாண்டர் கிரகாம் பெல் இறந்த தினம் இன்று!