'மாற்றுத் திறனாளிகளுக்கு தொழில் பயிற்சி தேவை'

24.08.2016,

மாற்றுத் திறனாளிகளுக்கு தொழில் பயிற்சி அளிக்க வேண்டும் என தமிழக முதல்வருக்கு, மாற்றுத் திறனாளிகள் கூட்டமைப்பின் மாநில கௌரவத் தலைவர் பால கிருஷ்ணன், கோரிக்கை மனு அனுப்பி யுள்ளார்.

மனுவில், தமிழ்நாடு அரசு அலுவல கங்களில் தாற்காலிக பணியாற்றும் 200-க்கும் மேற்பட்ட மாற்றுத் திறனாளிகளை பணி நிரந்தரமாக்க வேண்டும். மாற்றுத் திறனாளிகளுக்கு வேலை வாய்ப்பை உருவாக்க, ஆட்சியர் தலைமையில் அரசு அதிகாரிகள், தனியார் நிறுவன உரிமையாளர்கள் சந்திப்புக்கு ஏற்பாடு செய்ய வேண்டும். மேலும், மாற்றுத் திறனாளிகளுக்கு நன்கு பயிற்சி அளித்து, அவர்களது திறமை, உடல் தன்மைக்கேற்ப வேலை வழங்கவும் ஏற்பாடு செய்ய வேண்டும் எனக் குறிப்பிடப்பட்டுள்ளது.