சமையலர், உதவியாளர் பணிக்கு பதிவு மூப்பு

சிவகங்கை:  மதுரை மத்திய சிறையில் சமையலர் பணி, நவீன அரிசி ஆலையில் 2 உதவியாளர் பணிக்கு பதிவு மூப்பு விபரம் வெளியிட்டுள்ளதாக, வேலைவாய்ப்பு அலுவலர் சங்கரசுப்பிரமணியன் தெரிவித்தார்.

அவர் கூறியதாவது; சிறை சமையலர் பணிக்கு எட்டாம் வகுப்பு தேர்ச்சி. மிக பிற்பட்டோர் 02.07.1997, மாற்றுத்திறனாளி 12.07.1991 பரிந்துரைக்க உள்ளனர். வயது 32க்குள்.

நுகர்பொருள் வாணிப கழக மண்டல மேலாளர் அறிவித்த, மானாமதுரை நவீன அரிசி ஆலையில் 2 உதவியாளர் பணி. பத்தாம் வகுப்பு தேர்ச்சியுடன் ஐ.டி.ஐ., பிட்டர், வெல்டர், ஜெனரல் மெக்கானிக் முடித்த பிற்பட்ட வகுப்பை சேர்ந்த முன்னுரிமை அற்றவர் 12.12.2001, பகிரங்க போட்டியினர் 13.11.2000 வரை.

வயது: தாழ்த்தப்பட்ட, பழங்குடியினர் 35, பிற்பட்ட, மிக பிற்பட்டோர் முஸ்லிம் 32, பகிரங்க போட்டியினர் 30க்குள். இத்தகுதியுள்ள விண்ணப்பதாரர்கள் உரிய கல்வி சான்றுடன் ஜன.19 அன்று வேலைவாய்ப்பு அலுவலகத்திற்கு நேரடியாக வந்து பதிவு மூப்பு விபரங்களை அறியலாம், என்றார்.