அழகப்பா பல்கலையில் மாற்றுத்திறனாளிகள் பள்ளி

 

12.09.2015, காரைக்குடி : காரைக்குடி அழகப்பா பல்கலை கழகத்தில் மாற்று திறனாளி குழந்தைகளுக்கான சிறப்பு பள்ளி துவக்கப்பட்டுள்ளது.

காரைக்குடி அழகப்பா பல்கலை கழகத்தில் பி.எட்., எம்.எட்., சிறப்பு கல்வி பாட பிரிவு துவக்கப்பட்டதை அடுத்து, மாற்றுதிறன் குழந்தைக்கான பல்வேறு கல்வி உபகரணம் தயாரிக்கும் மையம் செயல்படுத்தப்படுகிறது. கற்றல் கற்பித்தல் உபகரணமான கேட்கும் புத்தகங்கள், பிரெய்லி பாட புத்தகங்கள், தொடுஉணர்ச்சி மூலம் கற்கும் உபகரணங்கள் தயாரிக்கிறது. தற்போது மாற்றுதிறனாளி சிறப்பு பள்ளி பி.எட்., கல்லூரியில் துவக்கியுள்ளனர். இங்கு மாற்றுத்திறனாளி குழந்தைகளின் குறைபாடு, திறனை கண்டறிந்து அடிப்படை கல்வி, தொழிற்கல்வி வழங்கப்பட உள்ளது. கண் பார்வை உள்ள குழந்தைகளுக்கு கல்வி உபகரணம், பேச்சு பயிற்சி மென்பொருள் உபகரணம் உள்ளது, என பதிவாளர் மாணிக்கவாசகம் தெரிவித்தார். தகவலுக்கு ஒருங்கிணைப்பாளரை 98949 60171ல் தொடர்பு கொள்ளலாம்.