16.09.2016, திருப்பூர் : திருப்பூரில், மாற்றுத்திறனாளிகளுக்கான தனியார் துறை வேலைவாய்ப்பு முகாம், வரும், 23ல் நடைபெறவுள்ளது.கலெக்டர் ஜெயந்தி அறிக்கை:திருப்பூர் கலெக்டர் அலுவலகத்தில் உள்ள மாவட்ட வேலைவாய்ப்பு அலுவலகத்தில், வரும் 23 ம் தேதி காலை, 10:00 மணிக்கு, தனியார் துறை வேலைவாய்ப்பு முகாம் நடைபெறவுள்ளது. எழுத படிக்க தெரிந்த மாற்றுத்திறனாளிகள் முதல், முதுநிலை பட்டதாரிகள், ஐ.டி.ஐ., டிப்ளமோ படித்தவர்கள் வரை, இதில் பங்கேற்று பயன் பெறலாம்.
முகாமில் பணி நியமனம் பெறப்பட்ட நபர்களுக்கு, தங்கள் வீட்டில் இருந்து பணிக்கு செல்லும் இடம் வரை, இலவசமாக பஸ் பாஸ் வழங்கப்படும். முகாமுக்கு வரும்போது, தங்களது வேலைவாய்ப்பு பதிவில், திருத்தங்கள் இருப்பின், அதை சரி செய்து கொள்ளலாம். கூடுதல் பதிவு செய்தல், வேலைவாய்ப்பற்றோர் உதவித் தொகை விண்ணப்பம் பெறுதல் ஆகிய பணிகளுக்கும், மாவட்ட வேலைவாய்ப்பு அலுவலகத்தை பயன்படுத்தி கொள்ளலாம்.
இவ்வாறு, கலெக்டர் அதில் கூறியுள்ளார்.
No comments:
Post a Comment