மாற்றுத்திறன் மாணவர்களுக்கு பரிசு

13.08.2015, திருவள்ளூர்:

மாற்றுத்திறனாளிகளுக்கான சிறப்பு குறைதீர் முகாமில், அதிக மதிப்பெண் பெற்ற மாணவர்களுக்கு பரிசுகள் வழங்கப்பட்டன.திருவள்ளூர் மாவட்ட ஆட்சியர் அலுவலகத்தில், மாற்றுத்திறனாளிகளுக்கான சிறப்பு குறைதீர் கூட்டம் நடந்தது. ஆட்சியர் வீரராகவ ராவ் தலைமை வகித்து, தமிழ் மொழியை பயிற்று மொழியாக பயின்று, பொதுத் தேர்வில் மாவட்ட அளவில், முதல் மூன்று இடங்களை பெற்ற, செவித்திறனற்ற, பேச இயலாத, மாற்றுத்திறனாளி மாணவர்கள் ஆறு பேருக்கு, ரொக்கப்பரிசு மற்றும் விடுதி கட்டணம் வழங்கும் திட்டத்தின் கீழ், மொத்தம் 1 லட்சத்து 9,500 ரூபாய்க்கான காசோலைகளை வழங்கினார்.நிகழ்ச்சியில், மாவட்ட மாற்றுத்திறனாளிகள் நல அலுவலர் சீனிவாசன், பேச்சு பயிற்சியாளர் சுப்புலட்சுமி, பல்நோக்கு மறுவாழ்வு உதவியாளர் காந்திமதி ஆகியோர் கலந்து கொண்டனர்.