தங்கப்பதக்கம் வென்ற காது கேளாத மாணவிக்கு பாராட்டுவிழா!

21.10.2018, தூத்துக்குடி: மாநில அளவில் மதுரையில் நடைபெற்ற மாற்றுத் திறனாளிகளுக்கான விளையாட்டுப் போட்டிகளில் முதலிடம் பெற்று தங்கப்பதக்கம் வென்ற காது கேளாத மாணவிக்கு பாராட்டுவிழா நடைப்பெற்றது.

தமிழ்நாடு காது கேளாதோர் மற்றும் மாநில உடல் ஊனமுற்றோர் விளையாட்டு கழகத்தின் பொதுக்கூட்டம் தூத்துக்குடியில் உள்ள தனியார் ஹோட்டலில் நடைபெற்றது.

தூத்துக்குடி மாவட்ட கேளாதோர் முன்னேற்ற மற்றும் மறுவாழ்வு சங்க தலைவர் மெய்கண்டன் இந்நிகழ்ச்சியில் கலந்துக்கொண்டு தலைமை வகித்தார்.

இந்நிகழ்ச்சியில், மாநில அளவில் மதுரையில் நடைபெற்ற மாற்றுத் திறனாளிகளுக்கான விளையாட்டுப் போட்டியில் குண்டு எறிதல், வட்டு எறிதல், ஈட்டி எறிதல் போட்டிகளில் முதலிடம் பெற்று தங்கப்பதக்கம் வென்ற காது கேளாத மாணவி ப்ரீத்தி சிவ பிச்சமாளுக்கு பாராட்டு விழா நடைபெற்றது.

இதில் சிறப்பு விருந்தினராக திமுக மாநில பொதுக்குழு உறுப்பினர் என்.பி.ஜெகன் பெரியசாமி கலந்து கொண்டு பாராட்டுக்களையும் வாழ்த்துக்களையும் தெரிவித்தார்.

மேலும் அந்த மாணவிக்கு பரிசு மெடல்கள் மற்றும் சான்றிதழ்களை மாணவிக்கு வழங்கினார். இதில் மாநில நிர்வாகிகள் இளமாறன், சந்தோஷ்குமார், அரசமுத்து, முரளிச்செல்வன், சுரேஷ், பாலாராவ், மாவட்ட செயலாளர் ரபேல் தாமஸ் போஸ்கோ, பொருளாளர் சின்னதுரை உட்பட 100க்கும் மேற்ப்பட்ட மாற்றுத் திறனாளிகள் கலந்து கொண்டனர்.