காதுகேளாத, வாய்பேச முடியாத மாற்றுத்திறனாளி பெண்ணை பலாத்காரம் செய்த காமுகன் கைது

28.11.2016, சங்ககிரி: சங்ககிரி அருகே, மாற்றுத்திறனாளி பெண்ணை, பலாத்காரம் செய்த, தொழிலாளியை, போலீசார் கைது செய்தனர். சங்ககிரி அருகே, கத்தேரி, கள்ளிப்பாளையம், அருந்ததியர் தெருவைச் சேர்ந்தவர் சாமுவேல். அவரது மகள் இந்துரேகா, 26. காதுகேளாத, வாய்பேச முடியாத மாற்றுத்திறனாளியான அவர், ஒன்பதாம் வகுப்பு வரை படித்துள்ளார். அவருக்கு திருமணமாகி, கணவரை பிரிந்து, தம்பி ரவிச்சந்திரன் வீட்டில் வசிக்கிறார். இந்நிலையில், நேற்று முன்தினம், தேவூர் போலீஸ் ஸ்டேஷனில், இந்து ரேகா புகார் செய்தார். அதில், அதே பகுதியைச்சேர்ந்த கூலித்தொழிலாளி மோகன்குமார், 23, என்பவர், கடந்த, 22ல், தன்னை கட்டாயப்படுத்தி பலாத்காரம் செய்து, கொலை மிரட்டல் விடுத்ததாக தெரிவித்திருந்தார். விசாரித்த போலீசார், மோகன்குமாரை கைது செய்தனர்.