வாய்பேச முடியாத மற்றும் காது கேளாத சிறுமி பலாத்காரம்: இளைஞர் கைது

02.06.2016

ஜயங்கொண்டம் அருகே மாற்றுத்திறனாளி சிறுமியை மானபங்கம் செய்த இளைஞரை தா.பழூர் போலீஸார் புதன்கிழமை கைது செய்தனர்.

அரியலூர் மாவட்டம், தா.பழூரை அடுத்த தென்கச்சிபெருமாள்நத்தம் கீழத்தெருவைச் சேர்ந்த தம்பதியின் 10 வயது மகள் வாய்பேச முடியாத மற்றும் காது கேளாத மனநிலை பாதிக்கப்பட்ட மாற்றுத்திறனாளி. இந்நிலையில் அதேஊரில் வசிக்கும் சிவமுரளி மகன் விஜய் (20) என்பவர் புதன்கிழமை காலை 10 மணியளவில் மாற்றுத்திறனாளி சிறுமியின் வீட்டின் முன்பு அவரோடு விளையாடிக் கொண்டு இருந்தார்.

அப்போது விஜய் மாற்றுத்திறனாளி சிறுமியை மானபங்கம் செய்ததைக் கண்டு அதிர்ச்சியடைந்த மாற்றுத்திறனாளி சிறுமியின் தாயார் சப்தம் போடவே,விஜய் அங்கிருந்து தப்பி ஓடிவிட்டார். இதுகுறித்து அவர் அளித்த புகாரின் பேரில் தா.பழூர் போலீஸார் வழக்குப்பதிந்து விஜய்யைக் கைது செய்தனர்.