மின்சார நிறுவனத்தில் 2175 பணியிடங்கள்

தமிழ்நாடு மின்சார நிறுவனத்தில் 2175 பணியிடங்கள் அறிவிக்கப்பட்டு உள்ளன. இதில் டிப்ளமோ என்ஜினீயர்கள், கலை அறிவியல் பட்டதாரிகள் மற்றும் அதற்கு குறைவான கல்வித்தகுதி பெற்றவர் களுக்கு பணி வாய்ப்புகள் உள்ளன.

இது பற்றிய விரிவான விவரம் வருமாறு:-

தமிழ்நாடு மின் உற்பத்தி மற்றும் பகிர்மான கழக நிறுவனத்தில் சோதகர் வேதியர், இளநிலை உதவியாளர், இளநிலை தணிக்கையாளர், சுருக்கெழுத்து தட்டச்சர் மற்றும் தட்டச்சர் பணியிடங்களை நிரப்ப அறிவிப்பு வெளியாகி உள்ளது. சோதகர் வேதியர் பணிக்கு 100 இடங்களும், இளநிலை உதவியாளர் (நிர்வாகம்) - 100 பணியிடங்களும், இளநிலை உதவியாளர் (கணக்கு) - 250 பணியிடங்களும், இளநிலை தணிக்கையாளர் பணிக்கு 25 இடங்களும், சுருக் கெழுத்து தட்டச்சர் பணிக்கு 25 இடங்களும், தட்டச்சர் பணிக்கு 200 இடங்களும் உள்ளன. மொத்தம் 700 பணியிடங்கள் நிரப்பப்படுகிறது.

இந்த பணியிடங்களுக்கு விண்ணப்பிக்க விரும்புபவர்கள் பெற்றிருக்க வேண்டிய தகுதி விவரங்களை இனி பார்க்கலாம்...

வயது வரம்பு :
ஒவ்வொரு பணிக்கும் வயது வரம்பு வேறுபடுவதால் அந்தந்த பணிக்கான வயது வரம்பை இணையதளத்தில் பார்க்கலாம். 1-7-2015 தேதியை அடிப்படையாக கொண்டு வயது வரம்பு கணக்கிடப்படுகிறது.

கல்வித்தகுதி:

பி.எஸ்சி. வேதியியல் படித்தவர்கள் சோதகர் வேதியர் பணியிடங்களுக்கும், இளநிலை உதவியாளர் பணிக்கு பி.ஏ., பி.காம், பி.எஸ்சி. அல்லது ஏதேனும் ஒரு பட்டப்படிப்பு படித்தவர்களும், சுருக்கெழுத்து தட்டச்சர் மற்றும் தட்டச்சு பணிக்கு 10-ம் வகுப்பு தேர்ச்சியுடன், குறிப்பிட்ட அளவில் தட்டச்சுத் திறன் பெற்றவர்களும் விண்ணப்பிக்கலாம்.

கட்டணம் :
விண்ணப்பதாரர்கள் ரூ.500 கட்டணமாக செலுத்தி விண்ணப்பிக்க வேண்டும்.

ஆதிதிராவிடர், ஆதிதிராவிடர் (அருந்ததியர்கள்), பழங்குடி வகுப்பினர், மாற்றுத்திறனாளிகள், விதவைகள் ரூ.250-ம், கட்டணம் செலுத்தி விண்ணப்பிக்க வேண்டும்.

விண்ணப்பிக்கும் முறை:

விருப்பமும், தகுதியும் உள்ளவர்கள் இணையதளம் வழியாக விண்ணப்பம் சமர்ப்பிக்கலாம். முன்னதாக கையப்பம் மற்றும் புகைப்படம் ஸ்கேன் செய்து வைத்துக் கொள்ளவும்.

முக்கிய தேதிகள்:

விண்ணப்பிக்க கடைசி நாள் : 16-3-2016
தேர்வு கட்டணம் செலுத்த கடைசி நாள் : 18-3-16
தேர்வு நடைபெறும் நாள் : ஏப்ரல்/மே 2016 (உத்தேசமாக)

1475 பணியிடங்கள்:

மற்றொரு அறிவிப்பின்படி இதே நிறுவனத்தில் தொழில் நுட்ப உதவியாளர் பணிக்கு 500 இடங்கள், கள உதவியாளர் (பயிற்சி) பணிக்கு 900 இடங்கள், உதவி வரைவாளர் பணிக்கு 50 இடங்கள், தொழில்நுட்ப உதவியாளர் (மெக்கானிக்கல்) பணிக்கு 25 இடங்கள் என மொத்தம் 1475 பணியிடங்களை நிரப்ப அறிவிப்பு வெளியாகி உள்ளது.

தொழில்நுட்ப உதவியாளர் (மின்னியல்) பணிகளுக்கு எலக்ட்ரிக்கல், எலக்ட்ரானிக், எலக்ட்ரானிக் அண்ட் கம்யூனிகேசன், ஐ.டி., கம்ப்யூட்டர் சயின்ஸ் போன்ற என்ஜினீயரிங் பிரிவில் டிப்ளமோ படித்தவர்கள் விண்ணப்பிக்கலாம். டிப்ளமோ மெக்கானிக்கல் படித்தவர்கள், ஐ.டி.ஐ. படித்தவர்களுக்கு இதர பணியிடங்களில் வாய்ப்பு உள்ளது.

விண்ணப்பதாரர்கள் குறிப்பிட்ட கட்டணம் செலுத்தி, 16-3-2016-ந் தேதிக்குள் இணையதள விண்ணப்பம் சமர்ப்பிக்க வேண்டும்.

இவை பற்றிய விரிவான விவரங்களை www.tangedco.direct recruitment.in என்ற இணையதள முகவரியில் பார்க்கலாம்.