ஜூலை 24-இல் மாற்றுத் திறனாளிகளுக்கு சுயவரம்

 14.07.2016

திருவாரூர் மாவட்ட மாற்றுத்திறனாளிகள் சங்கங்களின் கூட்டமைப்பின் சார்பில் சோழ மண்டல மாற்றுத் திறனாளிகள் சுயவரம் நிகழ்ச்சி ஜூலை 24-ஆம் தேதி மன்னார்குடியில் நடைபெறுகிறது.

தமிழ்நாடு மாற்றுத் திறனுடையோர் சங்கங்களின் கூட்டமைப்பு, சென்னை கீதாபவன் அறக்கட்டளையுடன் இணைந்து நடத்தப்படும் சுயவரம் நிகழ்ச்சி, மன்னார்குடி பந்தலடி வடபுறம், காந்திஜிசாலையில் உள்ள ஏ.எஸ்.ஏ.மஜீது கல்யாண மஹாலில் ஜூலை 24-ஆம் தேதி ஞாயிற்றுக்கிழமை காலை 9 மணிக்கு நடைபெறுகிறது.

சுயவரம் நிகழ்ச்சியில் மாற்றுத் திறனாளிகள், மாற்றுத் திறனாளிகளைத் திருமணம் செய்து கொள்ள விரும்புபவர்கள், விதவைகள், கணவரால் கைவிடப்பட்டோர், ஆதரவற்றோர் என இருபாலரும் கலந்துகொள்ளலாம். மேலும் இதுகுறித்து விவரம் அறிய கூட்டமைப்பின் மாவட்டத் தலைவர் கோ.தமிழரசனை 94867 41985, 99420 55817 என்ற கைப்பேசி எண்களில் தொடர்பு கொள்ளலாம்.