பிரதமர் மோடி பங்கேற்கும் நிகழ்ச்சிக்கு சென்ற மாற்றுத்திறனாளிகள் விபத்தில் சிக்கினர்

வாரணாசி, 22.01.2016, 

பிரதமர் நரேந்திர மோடி தனது பாராளுமன்ற தொகுதியான வாரணாசியில் சுற்றுப்பயணம் மேற்கொண்டார். இதையட்டி அங்கு சுமார் 8 ஆயிரம் மாற்றுத்திறனாளிகளுக்கு, பிரதமர் மோடி நல உதவிகள் வழங்கும் நிகழ்ச்சிக்கு ஏற்பாடு செய்யப்பட்டு இருந்தது.

இந்த நிகழ்ச்சிக்காக சுமார் 42 மாற்றுத்திறனாளிகளை ஏற்றிக்கொண்டு காலையில் ஒரு பஸ், வாரணாசிக்கு சென்று கொண்டிருந்தது. இந்த பஸ் கப்சேத்தி போலீஸ் நிலையத்துக்கு உட்பட்ட பகுதியில் சென்ற போது சாலையோரத்தில் நின்ற கம்பம் மீது பயங்கரமாக மோதி விபத்துக்குள்ளானது.

இதில் 22 மாற்றுத்திறனாளிகள் காயமடைந்தனர். அவர்கள் அனைவரும் மீட்கப்பட்டு வாரணாசியில் உள்ள அரசு மருத்துவமனையில் சிகிச்சைக்காக சேர்க்கப்பட்டனர். இந்த விபத்து குறித்து போலீசார் விசாரணை நடத்தி வருகின்றனர்.