தமிழ்நாடு விளையாட்டு மேம்பாட்டு ஆணையத்தின் திருநெல்வேலி பிரிவு சார்பில், மாற்றுத்திறனாளிகளுக்கான விளையாட்டுப் போட்டிகள் பாளையங்கோட்டையில் உள்ள அண்ணா விளையாட்டு மைதானத்தில் வெள்ளிக்கிழமை நடைபெற்றது.
இப்போட்டியை மாவட்ட ஆட்சியர் மு.கருணாகரன் தொடங்கி வைத்தார். மாவட்ட மாற்றுத்திறனாளிகள் நல அலுவலர் மனோகர் முன்னிலை வகித்தார். மாவட்ட விளையாட்டு மற்றும் இளைஞர் நலன் அலுவலர் பிராங்க்பால் ஜெயசீலன் வரவேற்றார்.
நீளம் தாண்டுதல், 100 மீ., 200 மீ., 400 மீ., 800 மீ. ஓட்டப்போட்டிகள் நடைபெற்றன. தொடர்ஓட்டம், வீல்சேர் ஓட்டம் உள்ளிட்ட பிரத்யேக போட்டிகளும் நடைபெற்றன. திருநெல்வேலி மாவட்டத்தின் பல்வேறு பகுதிகளைச் சேர்ந்த 350-க்கும் மேற்பட்ட மாற்றுத்திறனாளிகள் ஆர்வத்தோடு பங்கேற்றனர்.
No comments:
Post a Comment