பெங்களூருவில் அக்.14-ஆம் தேதி வேலைவாய்ப்பு முகாம் நடத்தப்படுகிறது.
கர்நாடக காங்கிரஸ் கட்சியின் சிறுபான்மைப்பிரிவு சார்பில் பெங்களூரு, ரேஸ்கோர்ஸ் சாலையில் உள்ள காங்கிரஸ் பவனில் அக்.14-ஆம் தேதி காலை 10 மணி முதல் மாலை 4 மணிவரை வேலைவாய்ப்பு முகாம் நடத்தப்படுகிறது.
இந்த முகாமில் தகவல்தொழில்நுட்பம், தகவல்தொழில்நுட்பம் சாரா, நிதி, ஆட்டோமொபைல், மெக்கேனிக்கல் துறைகளை சார்ந்த 60-க்கும் மேற்பட்ட நிறுவனங்கள் கலந்துகொள்கின்றன. வேலைவாய்பு முகாமில் 7-ஆம் வகுப்பு முதல் எஸ்எஸ்எல்சி, பியூசி, ஐடிஐ, பட்டயம் படித்தோர், இளநிலை, முதுநிலை பட்டதாரிகள், பொறியியல் பட்டதாரிகள், மாற்றுத்திறனாளிகள் கலந்துகொள்ளலாம். புதியவர்கள் முதல் ஓராண்டு வேலை அனுபவம் கொண்டவர்கள் பங்கேற்கலாம். வேலைதேடி வருவோர் தன்விவரக்குறிப்பு 6 படிகள், பாஸ்போர்ட் அளவு புகைப்படம் 6 படிகள், அசல் மற்றும் நகல் கல்வி சான்றிதழ்கள், ஆதார் அட்டை, பான் அட்டை, ஓட்டுநர் உரிமம், வாக்காளர் அடையாள அட்டை, பாஸ்போர்ட் போன்ற அடையாள அட்டைகளின் நகல்களை கொண்டுவர வேண்டும் என்று மாநில சிறுபான்மைப்பிரிவுத் தலைவர் சையது அகமது வெளியிட்டுள்ள செய்திக்குறிப்பில் குறிப்பிட்டுள்ளார்.
No comments:
Post a Comment