காதுகேளாதோர் பதிவு மூப்பை சரிபார்க்க அழைப்பு

19.10.2015, கரூர்: 

காது கேளாதோர் மற்றும் கண் பார்வையற்றோர் பள்ளி ஆசிரியர் பணியிடத்திற்கான பதிவு மூப்பை சரிபார்த்துகொள்ள அழைப்புவிடுக்கப்பட்டுள்ளது.
இதுகுறித்து, கரூர் மாவட்ட வேலை வாய்ப்பு அலுவலர் அடைக்கன் வெளியிட்ட அறிக்கை: சென்னை மாற்றுத் திறனாளிகள் ஆணையர் மூலம், காது கேளாதோர் மற்றும் கண் பார்வையற்றோர் பள்ளி ஆசிரியர் பணியிடத்திற்கான அறிக்கை வெளியிடப்பட்டுள்ளது. இதற்கு, பட்டப் படிப்புடன் ஆசிரியர் தகுதி தேர்வில் வெற்றி பெற்று, வேலை வாய்ப்பு அலுவலகத்தில் பதிவு செய்து உள்ளவர்கள், வரும், 28ம் தேதிக்குள், தங்கள் சான்றிதழை சரி பார்த்துக்கொள்ள வேண்டும். இதே போன்று, இடைநிலை ஆசிரியர் பட்டயப் படிப்பு படித்து, ஆசிரியர் தகுதி தேர்வில் வெற்றி பெற்றவர்களும், தங்கள் சான்றிதழை சரி பார்த்துக்கொள்ள வேண்டும். இவ்வாறு, அதில் தெரிவித்துள்ளார்.