ஆடு மேய்த்த DEAF மாற்றுத் திறனாளி ரயிலில் அடிபட்டு சாவு

திண்டுக்கல், 24 October 2015
திண்டுக்கல் மாவட்டம், காமலாபுரம் அடுத்துள்ள காட்டுநாயக்கன்பட்டியைச் சேர்ந்தவர் பொன்னுச்சாமி. இவரது மகன் தங்கராஜ் (35). காது கேளாத மாற்றுத் திறனாளியான இவர், ஆடு மேய்த்து வந்தார். இவர், கொடைரோடு-அம்பாத்துரை ரயில் நிலையங்களுக்கு இடையே அழகம்பட்டி அருகே வெள்ளிக்கிழமை காலை ஆடுகளை மேய்ச்சலுக்காக ஓட்டிச் சென்றுள்ளார். திருநெல்வேலியிலிருந்து மயிலாடுதுறை செல்லும் பயணிகள் ரயில் வருவதை கவனிக்காமல் தண்டவாளத்தைக் கடந்தபோது, தங்கராஜ் ரயிலில் அடிபட்டு சம்பவ இடத்திலேயே உயிரிழந்தார்.