மாற்றுத் திறனாளிகளுக்கான விளையாட்டு போட்டிகள்

சென்னை, அக்.27- 

தமிழ்நாடு விளையாட்டு மேம்பாட்டு ஆணையத்தின் சென்னை மாவட்ட பிரிவு சார்பில் மாற்றுத் திறனாளிகள், கண் பார்வையற்றோர், மனவளர்ச்சி குன்றியோர் மற்றும் காது கேளாதவர்களுக்கான மாவட்ட விளையாட்டு போட்டிகள் செனாய்நகர் நீச்சல் குள வளாகத்தில் நாளை (புதன்கிழமை) நடக்கிறது.

இருபாலருக்கும் நடத்தப்படும் இந்த போட்டியில் மாற்றுத் திறனாளிகளுக்கு பேட்மிண்டன் (ஒற்றையர், இரட்டையர்), டேபிள் டென்னிஸ் ஆகிய போட்டிகளும், கண் பார்வையற்றவர்களுக்கு கைப்பந்து போட்டியும், மனவளர்ச்சி குன்றியவர்களுக்கு எறிபந்து போட்டியும், காது கேளாதவர்களுக்கு கபடி போட்டியும் நடத்தப்படுகிறது.

இந்த போட்டியில் முதலிடம் பிடிக்கும் அணிகள் மாநில போட்டிக்கு தகுதி பெறும். இந்த தகவலை சென்னை மாவட்ட விளையாட்டு அதிகாரி பிரதாப்குமார் தெரிவித்துள்ளார்.