போராட்டத்தில் ஈடுபடவிருந்த மாற்றுத்திறனாளிகளை முன்கூட்டியே கைது செய்த காவல்துறை

17.02.2016

அரசு பணிகளில் 3% இட ஒதுக்கீடு உள்ளிட்ட பல்வேறு கோரிக்கைகளை வலியுறுத்தி சென்னையில் மறியல் போராட்டத்தில் ஈடுபடவிருந்த மாற்றுத்திறனாளிகளை காவல்துறையினர் முன்கூட்டியே கைது செய்தனர்.

உடலில் 40 சதவிகிதம் பாதிக்கப்பட்டிருந்தாலே உதவித்தொகை வழங்க வேண்டும், உதவித் தொகையை உயர்த்தி வழங்க வேண்டும் என்பன உள்ளிட்ட கோரிக்கைகளை வலியுறுத்தி மாற்றுத்திறனாளிகள் கடந்த ஒரு வாரத்திற்கும் மேலாக தொடர் போராட்டங்களில் ஈடுபட்டுள்ளனர்.

அதற்கு உரிய நடவடிக்கை எடுக்கப்படாததால் மீண்டும் போராட்டத்தில் ஈடுபட முடிவு செய்து எழிலகத்திலிருந்து தலைமைச் செயலகம் வரை சென்று மறியலில் ஈடுபட திட்டமிட்டிருந்தனர். ஆனால் போராட்டம் நடைபெறுவதற்கு முன்னதாகவே மாற்றுத்திறனாளிகளை காவல்துறையினர் கைது செய்து வருகின்றனர்.